မိမိကိုယ်ကိုမိတ်ဆက်ခြင်း။
ဂျပန်နိုင်ငံ၏ လုပ်ငန်းခွင်၊ ကုမ္ပဏီတို့၌ အလုပ်စဝင်သည့်နေ့တွင် မိမိကိုယ်ကိုမိတ်ဆက်ရလေ့ရှိသည်။ မိတ်ဆက်စကားပြေားကြားရာတွင် ဤလုပ်ငန်းခွင်တွင် အလုပ်ဝင်ရသည့်အတွက် ၀မ်းမြောက်ကြောင်း၊ လုပ်ဖော်ကိုင်ဖက်အဖြစ် ကြိုဆိုလက်ခံပေး၍ ကျေးဇူးတင်ကြောင်း၊ မိမိတစ်ဦးတည်း ဝာာဝန်ယူ အလုပ်လုပ်ကိုင်နိုင်သည် အထိ အထောက်အပံ့၊ အကြံအဉာဏ်တောင်းခံလိုပါကြောင်း စသည့်တို့ကို မိမိကိုယ်ပိုင်စကားလုံးများဖြင့် ဖော်ပြကာ ပြောကြားရမည်။ မိမိ၏အမည်ကို မှတ်မိစေရန် အရေးကြီးသည်။
မိမိကိုယ်ကို မိတ်ဆက်ရာတွင် သတိပြုရမည့်အချက်များ
①ကိုယ်နေဟန်ထား မှန်ကန်စွာ စကားပြောပါ။
ဘောင်းဘီအိတ်ထဲကို လက်ထည့်၍ပြောဆိုခြင်း၊ ခေါင်းကုတ်ပြောဆိုခြင်းတို့သည် လူအထင်အမြင်သေးခံရ စေပါသည်။
②မိမိ၏အမည်ကို အသံကျယ်ကျယ်ဖြင့် မိတ်ဆက်မည်။
လူအများရှေ့၌ မိမိကိုယ်ကိုမိတ်ဆက်ခြင်းမှာ စိတ်လှုပ်ရှားစရာကောင်းသော်လည်း မိမိ၏ အမည်ကို ပြောဆိုရာတွင် မှတ်မိစေရန် ဖြည်းဖြည်းပြောပါ။
③”よろしくお願いします” ဟု အတူတူအလုပ်လုပ်ရမည့်သူများကို စိတ်ရင်းဖြင့် သေချာစွာ ဦးညွတ်အရိုအသေ
ပြုပါ။
အပြုံးမျက်နှာမရှိဘဲ အသံတိုးကာ တဖက်လူကိုလည်းမကြည့်ပါက ယုံကြည်မှုနည်း၍ ကျန်းမာရွင်လန်းမှုမရှိသူဟု ထင်မြင်ခံရနိုင်သည်ကိုလည်း ဂရုပြုပါ။
