လူမှုဆက်ဆံရေးပိုမိုကျယ်ပြန့်ချောမွေ့လာအောင်ပြုလုပ်မည်။
ဂျပန်အလုပ်ခွင်များတွင် အလုပ်ကို ပျော်ရွင်ချောမွေ့စွာအလုပ်လုပ်နိုင်ရန်အတွက် အလုပ်ခွင်အတွင်းရှိလူများနှင့် အမြဲတမ်း ပြောဆိုဆက်ဆံနေရန်လိုအပ်ပါသည်။
- နှုတ်ဆက်စကားဆိုခြင်း။
မနက်ခင်းတိုင်း ကုမ္ပဏီမှလူများကိုတွ့လျှင် “Ohayou Gozaimasu!” ဟုအပြုံးဖြင့် နှုတ်ဆက်ပါ။ တွေ့တိုင်းနှုတ်ဆက်လျှင် ပိုကောင်းပါသည်။ အရွယ်ရောက်အလုပ်လုပ်သူများအနေဖြင့် နှုတ်ဆက်ခြင်းသည် အခြေခံလိုက်နာရမည့်အချက်ဖြစ်ပါသည်။ ကုမ္ပဏီ၀န်ထမ်းဖြစ်ရန်အတွက်လည်း ခြေလှမ်းတစ်လှမ်းဖြစ်ပါသည်။
- ကျေးဇူးတင်ကြောင်း၊ တောင်းပန်ကြောင်းစကားလုံးများကို ပြောကြားမည်။
အထက်လူကြီးများနှင့် လုပ်ဖော်ကိုင်ဖက်များမှ အလုပ်နှင့်ပတ်သက်၍ ကူညီသောအခါတွင် “Arigatou Gozaimasu.” ဟု မဖြစ်မနေ ကျေးဇူးတင်စကားပြောပါ။ နောက်ပြီး အလုပ်တွင်မှားယွင်းသွားသောအခါတွင်လည်း မှားယွင်းကြောင်းကိုလက်ခံ၍ ရိုးသားစွာ တောင်းပန်ကြပါစို့။
- တစ်ဖက်လူမှ ပြောကြားသောစကားများကို သေချာစွာ နားထောင်ပါ။
ကုမ္ပဏီမှလူများနှင့် ဆက်ဆံရေးကိုဖန်တီးရန်အတွက် ပြောဆိုခြင်းသာမက နားထောင်ရန်လည်း အရေးကြီးပါသည်။ ကုမ္ပဏီရှိလူများ၏ အမြင်သည် မိမိအမြင်နှင့် ကွဲပြားခြင်းများရှိလိမ့်မည်ဟု ထင်ပါသည်။ ထို့အတွက် တစ်ဖက်လူပြောစကားများကို ဆုံးအောင်အထိ နားထောင်ပါ။
မိတ်ဆွေတို့ရော ဘယ်လိုထင်မြင်ပါသလဲ? အလုပ်မှလူများဖြင့် ရင်းရင်းနှီးနှီးဖြစ်အောင် ပေါင်းသင်းဆက်ဆံကြပါစို့။
