နှုတ်ဆက်ရာတွင်စည်းမျဥ်းစည်းကမ်းများကို နားလည်ပြီး၊ အသိမိတ်ဆွေ လူချစ်လူခင်များလာစေရန်။
ကုမ္ပဏီအသင်းအဖွဲ့များတွင် များပြားသောလူများနှင့် ချောမွေ့စွာအလုပ်လုပ်နိုင်ရန် သေချာစွာ နှုတ်ခွန်းဆက်ခြင်း၊ နေ့စဥ်စကားပြောဆိုဆက်ဆံခြင်းပြုလုပ်ရန်မှာ အရေးကြီးပါသည်။
အပြင်ဘက်မှလာသောလူပုဂ္ဂိုလ်များကို အလုပ်နှင့်မသက်ဆိုင်သော်လည်း နှုတ်ဆက်ရမည်။ ကုမ္ပဏီကိုလာသောဧည့်သည်များကို ၀န်ထမ်းအားလုံးက နှုတ်ဆက်ပါက ကုမ္ပဏီကောင်းဟု အသိအမှတ်ပြုခံရနိုင်ပြီး၊ customer ယုံကြည်မှုမြင့်မားလာမည်။
「おはようございます」” မင်္ဂလာနံနက်ခင်းပါ” နှင့် 「ありがとうございます」” ကျေးဇူးတင်ပါတယ်” စသည့် နေ့စဥ် နှုတ်ခွန်းဆက်စကားကို သေသေချာချာ အသုံးပြု ကြရအောင်။ စကားပြောရာတွင် အပြုံးမျက်နှာဖြင့် တဖက်သားကို ရှင်းလင်းစွာ ပြောကြားရန် အရေးကြီးပါသည်။ သို့သော်လည်း တောင်းပန်စကား ပြောကြားချိန်တွင် မပြုံးပါနှင့်။
တစ်ဖက်လူအား မိမိမှ စတင် နှုန်ခွန်းဆက်စကားစပြောခြင်းဖြင့် တစ်ဖက်လူထံမှ အထင်အမြင်ကြီးမှုကို ရယူနိုင်ပါသည်။ တစ်ဖက်လူက မိမိ၏ အထက်လူကြီး ဖြစ်ခဲ့လျှင် ခပ်နီးနီးနေရာမှာနေပြီး နှုတ်ခွန်းဆက်စကား ပြောခြင်းဖြင့် မိမိအပေါ် အထင်အမြင်ကြီးစေနိုင်ပါသည်။
နှုတ်ဆက်ရာတွင်အသုံးပြုသော အခြေခံစကားအသုံးအနှုန်းများ။
- Ohayo Gozaimasu。မင်္ဂလာနံနက်ခင်းပါ။
- Arigatou Gozaimasu。 ကျေးဇူးတင်ပါတယ်။
- Moushiwake Gozaimasen。 အားနာပါတယ်။
- Hai。 ဟုတ်ကဲ့ပါ (ပြတ်သားစွာဖြင့်)
- Kashikomarimashita。 နားလည်သဘောပေါက်ပါပြီ ရှင်/ခင်ဗျာ။
- Shousho Omachikudasai。နည်းနည်းလေး စောင့်ပေးပါရှင်/ခင်ဗျာ။
- Otsukaresamadesu。 ပင်ပန်းသွားပါပြီရှင်/ခင်ဗျာ။
- Ittemairimasu/Tadaima Kaerimashita。 သွားလိုက်ပါအုံးမယ်/ပြန်ရောက်လာပါပြီရှင်/ခင်ဗျာ။
- Itterasshai/Okaerinasai。သွားလိုက်ပါ/ ပြန်လာတာကြိုဆိုပါတယ်ရှင်/ခင်ဗျာ။
- Osakini Shitsureiitashimasu。 အရင်ပြန်ခွင့်ပြုပါရှင်/ခင်ဗျာ။
- Shitsureiitashimasu/Shitsureiitashimashita。 ခွင့်ပြုပါ/ရိုင်းသွားခဲ့တဲ့အတွက်တောင်းပန်ပါတယ်။
ဂျပန်နိုင်ငံသည် နှုတ်ဆက်ခြင်းကို အလေးထားသောနိုင်ငံဖြစ်ပါသည်။ နည်းလည်းမှန်ကန်စွာ စကားပြောတတ်ရန်နှင့် နှုတ်ဆက်တတ်ရန် မှတ်သားထားကြပါစို့။
