အခြားသူများ၏ နှစ်စဥ်၀င်ငွေများကို မေးမြန်းခြင်းမပြုပါနှင့်။
မိတ်ဆွေတို့ မိမိ၏နှစ်စဥ်၀င်ငွေများကို အမေးခံရလျှင် ဘယ်လိုမျိုးထင်မြင်မိပါသလဲ? သဘောကျလား? ဒါမှမဟုတ် မနှစ်သက်ဘူးလား?
နိုင်ငံအပေါ် မူတည်၍ ထိုကဲ့သို့မေးခွန်းမျိုးအမေးခံရလျှင် ဒါဟာသာမာန်ဟု ထင်သူများလည်းရှိပါလိမ့်မည်။ ဂျပန်လူမျိုးများအနေဖြင့် ထိုသို့သောမေးခွန်းများကို မမေးမြန်းသင့်ဟုထင်သူမှာလည်း နည်းမည်မဟုတ်ပါ။ အကြောင်းမှာ သာမာန်မဟုတ်သောမေးခွန်းတစ်ခုဖြစ်ပြီးအမေးခံရလျှင်လည်း မဖြေချင်သူက များပါသည်။
ဂျပန်လူမျိုးများအနေဖြင့် မည်သို့ပင်ခင်မင်နေသော သူငယ်ချင်းဖြစ်နေစေကာမှု ပိုက်ဆံနှင့်ပတ်သက်၍ ပြောဆိုရန် ၀န်လေးလှပါသည်။ ထို့အတွက် ထိုသို့မေးမြန်းခြင်းသည် မသင့်လျှော်ပါ။
အလုပ်ခွင်များတွင်လည်း ခင်မင်ရင်းနှီးသောလုပ်ဖော်ကိုင်ဖက်များ၏၀င်ငွေများကို မမေးမြန်းသင့်ပါ။
ထို့အတူ လစာနှင့်ပတ်သက်၍ မေးမြန်းခြင်းများကိုလည်း မကြိုက်နှစ်သက်ကြပါ။ အခြားလူများကို ထိုကဲ့သို့ စိတ်မနှစ်မြို့မှုဖြစ်စေခြင်းသည် ယဥ်ကျေးမှုမရှိရာ ရောက်သည်မဟုတ်လား။
တဖက်လူများကို အတင်းအဓမ္မ မသင့်လျှော်သော မေးခွန်းများ၊ အထူးသဖြင့် နှစ်စဥ်၀င်ငွေနှင့်ပတ်သက်သောမေးခွန်းများမမေးမြန်းပါနှင့်။
မိတ်ဆွေတို့လည်း တစ်ဖက်လူ စိတ်မနှစ်မြို့ဖွယ်မေးခွန်းများကို ရှောင်ကြဥ်၍ ပျော်ရွင်စွာစကားပြောဆိုကြပါစို့။
