မှတ်စုရေးမှတ်သည့်အလေ့အထ။
မှတ်စုရေးမှတ်ခြင်းသည် အကြောင်းအရာတစ်ခုကို မှတ်မိနေစေရန်အတွက် ပြုလုပ်တဲ့ နည်းလမ်းတစ်ခု ဖြစ်ပါတယ်။ အကြောင်းအရာတစ်ခုကို တစ်ကြိမ်နားထောင်ရုံနှင့် မှတ်မိရန် ခက်ခဲလှပါတယ်။
လုပ်ငန်းခွင်ရှိ စီနီယာများမှ သင်ကြားပေးတဲ့အရာများနှင့် အထက်လူကြီးမှ ပေးအပ်လာတဲ့ အလုပ်တာဝန် အကြောင်းအရာများကို မှတ်စုဖြင့် သေချာစွာ မှတ်သားထားကြရပါမယ်။ အလုပ်မှစီနီယာများအနေဖြင့် မိမိတာဝန်ကျရာ အလုပ်ကိုလုပ်ကိုင်လျက် ဝန်ထမ်းအသစ်များကို အလုပ်အကြောင်းအရာများ သင်ပေးကြပါတယ်။ တစ်နည်းအားဖြင့် ထိုစီနီယာဝန်ထမ်း၏ အဖိုးတန်အချိန်များကို ဝန်ထမ်းသစ်များအား ခွဲပေးနေခြင်းလည်း ဖြစ်ပါတယ်။ တူညီတဲ့ အကြောင်းအရာတစ်ခုကို ထပ်ခါထပ်ခါမေးမြန်းမိခြင်းမျိုး မဖြစ်စေရန် မှတ်စုရေးမှတ်ခြင်း အလေ့အထကို ပြုလုပ်ပါ။
စီနီယာနှင့် ထက်လူကြီးမှ ပြောကြားတဲ့ အကြောင်းအရာများ နှင့် ပေးအပ်ထားသော အလုပ်တာဝန်များအား ယခုလက်ရှိအချိန်မှာ မှတ်မိနေသော်လည်း မနက်ဖြန်၊သဘက်ခါတွင် အလုပ်များပြီး မေ့လျော့သွားနိုင်တဲ့အတွက် အဆင်ပြေ ချောမွေ့စွာ အလုပ်လုပ်ကိုင်နိုင်ရန် သေသေချာချာ မှတ်စုရေးမှတ်ကြပါစို့။
